རེབ་གོང་ཁུལ་དུ་སེར་ཆེན་བརྒྱབ་ནས་སྒོ་དང་སྒེའུ་ཁུངས་བཅགས་པ།
ཕྱི་ལོ། ༢༠༡༣ ཟླ། ༦ ཚེས། ༡༥ ཉིན་གྱི་ཕྱི་དྲོའི་བོད་ནང་ཆུ་ཚོད་ ༥ པ་ཡས་མས་སུ་བོད་མདོ་སྨད་རེབ་གོང་ཁུལ་ཐོག་ཏུ་སེར་ཆེན་བརྒྱབ་ཏེ་མི་མང་གི་སྡོད་ཁང་དང་། རླངས་འཁོར་སོགས་ཅ་དངོས་ལ་གཏོང་བཤིགས་ཆེ་ཙམ་བཏང་ཡོད་འདུག ཐེངས་འདིའི་སེར་ཆེན་གྱིས་རྐྱེན་པས་རེབ་གོང་ཁུལ་ཐོག་གི་རླངས་འཁོར་ཁག་གི་སྒེའུ་ཁུང་བཅག་པ་མ་ཟད། རླངས་འཁོར་གྱི་ཀླད་ཀྱང་བརྡིབས་ཡོད་པ་དང་། རེབ་གོང་ཁུལ་ཐོག་གི་ཁང་ཁྱིམ་དག་གི་ཤེལ་ཁང་གཅིག་ཀྱང་མ་ལུས་པར་བཅག་ཧྲུལ་བཏང་ཡོད་འདུག
སེར་ཆེན་རྣམས་བྱ་མོའི་སྒོ་ང་ཆེ་ཆུང་ཙམ་འབབ་ཡོད་འདུག་སྟབས། ནམ་མཁར་འཕུར་བཞིན་པའི་བྱ་བྱིས་རྣམས་ཀྱང་ས་ལ་དབབ་ནས་བསད་པ་དང་། ཁང་པའི་ཕྱི་རོལ་ཏུ་བཞག་ཡོད་པའི་འགྱིག་གི་སྒྲོག་རྩེ་དང་རྐུབ་བཀྱག་དག་ནང་ཁ་ཐུག་ཕུག་ནས་བཅག་ཡོད་འདུག
ཐེངས་ 42157 བཀླགས་འདུག