རྩྭ་ཐང་ཉམས་རྒུད་དང་བྱེ་སར་འགྱུར་བས་འབྲོག་པ་འབྲོག་ས་ནས་འབུད་ཐབས།
སྤྱིར་བཏང་བཤད་ན་བོད་མཐོ་སྒང་གི་རྩྭ་ཐང་དང་སྤང་ལྗོངས་ཀྱི་ད་ལྟའི་གནས་སྟངས་འདི་འདྲ་ཞིག་ཏུ་འགྱུར་བར་དུས་ཡུན་རིང་པོའི་ནང་བྱུང་བའི་རྒྱུ་རྐྱེན་མང་དག་ལ་འགན་ཁུར་ཡོད་པ་ཞིག་ཡིན་རུང་། རང་འབྱུང་གནམ་གཤིས་ཚ་དྲོད་རྒྱས་པའི་གནད་དོན་ལས་གཞན་པའི་ཁོར་ཡུག་ཉམས་རྒུད་ཀྱི་ཚད་གཞི་མྱུར་དུ་གཏོང་བའི་རྒྱུ་རྐྱེན་གཅིག་ནི། བོད་མཐོ་སྒང་ཐོག་གི་འདས་མ་འོངས་ད་ལྟ་དུས་གསུམ་གྱི་མིའི་བྱ་སྤྱོད་ཀྱི་རྣམ་གྲངས་མང་པོར་རག་ལུས་ཡོད།