Donate

གནམ་གཤིས་འགྱུར་ལྡོག

གནམ་གཤིས་འགྱུར་ལྡོག་ནི་འཆི་གསོན་གྱི་གནད་དོན་ཞིག་རེད།

གོ་ལའི་གནམ་གཤིས་ཚ་དྲོད་འགྱུར་ལྡོག་གི་ཚོགས་འདུ་ཐེངས་ ༢༤ པའི་ཐོག་༧གོང་ས་རྒྱལ་བ་རིན་པོ་ཆེ་མཆོག་ནས་གནམ་གཤིས་ཚ་དྲོད་ནི་མི་སྒེར་དང་རྒྱལ་ཁབ་གཅིག་གཉིས་ཤིག་གི་དཀའ་ངལ་མ་ཡིན་པར་འགྲོ་བ་མི་ཀུན་གྱིས་བཟོས་པ་ཞིག་ཡིན་སྟབས་ཚང་མའི་འགན་འཁུར་རྒྱུ་གལ་ཆེན་ཡིན་སྐོར་གྱི་གསུང་འཕྲིན་བསྩལ།

ནང་ཆོས་དང་སྣོད་བཅུད་རྟེན་འབྲེལ་གྱི་ཆོས་ཉིད་དང་མཐུན་པའི་རྒྱུན་གནས་འཚོ་ཐབས།

ང་ཚོས་ཤེས་གསལ་ལྟར་ད་ལྟའི་འཛམ་གླིང་སའི་གོ་ལ་འདི་ཁོར་ཡུག་གི་དཀའ་རྙོག་སྣ་མང་ཞིག་འཕྲད་དང་འཕྲད་བཞིན་ཡོད། འགྲོ་བ་མིའི་བྱ་སྤྱོད་ལ་བརྟེན་ནས་གནམ་གཤིས་ཀྱི་འགྱུར་ལྡོག་དང་འཁྱགས་རོམ་བཞུ་བ། ཤིང་ནགས་གཅོད་འབྲེག་དང་། སྐྱེ་དངོས་མང་པོ་རྩ་གཏོར་གཏོང་བ་དང་ན་ཚའི་རྐྱེན་འདྲ་མིན་མང་པོ་བསྐྲུན་པ། ཆུའི་འབྱུང་ཁུངས་སྦགས་བཙོག་བཟོ་བ། སྐྱེ་དངོས་གནས་སྤོར་བྱས་ནས་སྐྱེ་ཁམས་ལ་གྲུབ་འབྲས་ལས་ལྡོག་ཏེ་དཀའ་ངལ་སྣོན་མ་ཞིག་འཕྲད་བཞིན་ཡོད།

རྒྱ་གར་བྱང་ཕྱོགས་ཧི་མ་ཅལ་མངའ་སྡེ་ནང་ཆར་བའི་གནོད་སྐྱོན་ཕོག

ཕྱི་ལོ་༢༠༡༨ཟླ་༨ཚེས་༧ཉིན་བོད་ཀྱི་དུས་བབས་གསར་ཁང་གིས་གནས་ཚུལ་སྤེལ་བར་ལྟར་ན། ཧི་མ་ཅལ་ཀང་ར་རྫོང་ཁོངས་སུ་བསྟུན་མར་ཆར་བ་ཤུགས་ཆེན་བབས་པའི་རྐྱེན་གྱིས་རི་ཉིལ་བ་དང་རྦབ་རྡོ་རིལ་བ་སོགས་ཀྱིས་སེམས་ཅན་ ༤༠ ལྷག་བསད་ཡོད་འདུག

ཨིན་ཌོ་ནེ་ཤི་ཡར་ས་ཡོམ་བརྒྱབས་ནས་ཉུང་མཐར་མི་༨༢ གྲོངས་ཡོད་འདུག

ཕྱི་ལོ་༢༠༡༨ཟླ་༨ཚེས་༥ རེས་གཟའ་ཉི་མའི་ཉིན་ཨིན་ཌོ་ནེ་ཤི་ཡའི་གླིང་ཕྲན་ལོམ་བྷག་(Lombok)ཏུ། ས་ཡོམ་ཤུགས་ཚད་རིམ་པ་༧ ཅན་ཞིག་གཏིང་ཚད་ཀི་ལོ་མི་ཊར་༡༠ ཡི་མཚམས་སུ་བརྒྱབས་ནས་ཉུང་མཐར་མི་༨༢ ཀྱི་ཚེ་སྲོག་ཤོར་ཡོད་ཁར། མི་བརྒྱ་ཕྲག་ཁ་ཤས་ལ་རྨས་སྐྱོན་ཤོར་ཡོད་འདུག་པ་དང་། གནས་ཚུལ་གསལ་པོ་ཆགས་རིམ་བཞིན་ཚེ་སྲོག་ཤོར་བའི་གྲངས་ཀ་འཕར་སྲིད་པའི་ཚོད་དཔག་བྱེད་བཞིན་འདུག་པ་མ་ཟད། ཁང་པ་སྟོང་ཚོ་མང་པོར་གནོད་སྐྱོན་ཤོར་བ་དང་། གློག་ཆད་པ་སོགས་ཀྱི་གནས་ཚུལ་བྱུང་ཡོད་འདུག

ཨོ་སི་ཀྲོ་ལི་ཡའི་ནང་ཐན་པའི་དཀའ་ངལ་འཕྲད་བཞིན་པ།

ཨོ་སི་ཀྲོ་ལི་ཡའི་མི་སེར་འབོར་ཆེ་ཤོས་སྡོད་ཡུལ་གྱི་མངའ་སྡེའི་ནང་ཐན་པའི་དཀའ་ངལ་ཆེན་པོ་འཕྲད་བཞིན་ཡོད་པ་དང་། དེ་ལ་བརྟེན་ནས་རྒྱལ་ནང་གི་ཞིང་ལས་ཐོན་སྐྱེད་ལ་ཤུགས་རྐྱེན་ཐེབས་བཞིན་འདུག

རྒྱ་གར་བྱང་ཕྱོགས་ལ་ཆར་དུས་སུ་ས་ཡོམ་མི་འདྲ་བ་ཐེངས་གསུམ་བྱུང་།

ཕྱི་ལོ་༢༠༡༨ ཟླ་ ༧ ཚེས་ ༢༧ ཉིན་དུས་བབས་གསར་ཁང་གིས་བསྒྲགས་པར་ལྟར་ན། རྒྱ་གར་བྱང་ཕྱོགས་ཧི་མ་ཅལ་མངའ་སྡེའི་ཀང་རཱ་རྫོང་དང་ཅམ་བྷ་རྫོང་སོགས་ཀྱི་ནང་བསྟུན་མར་ཉིན་ ༣ རིང་ས་འགུལ་ཚད་རིམ་མི་འདྲ་བ་ཐེངས་ ༣ བྱུང་།