དོམ་ཁྲ་ནི་འཛམ་གླིང་གི་ཡང་རྩེ་ཞེས་གྲགས་པའི་བོད་གངས་ཅན་ལྗོངས་མདོ་ཁམས་ས་ཡི་ཐིག་ལེ་ཤར་རྒྱལ་མོ་རོང་དང༌། མུ་ལི། འབྲུག་ཆུ། ཟུང་ཆུའི་ཤར་དུང་རིའི་རྒྱུད་ཀྱི་སྦང་བཟང༌། རང་བྱུང་མཛེས་རྒྱན་གཟི་ཚྭ་སྡེ་དགུ་སོགས་ཤར་ལྷོའི་མཚམས་སུ་མཐོ་ཚད་ལ་མི་ཊར་ ༢༣༠༠ ནས་ ༣༢༠༠ བར་ནགས་ཚལ་གྲོག་རོང་སོགས་སུ་གཙོ་བོ་འཚོ་གནས་བྱེད།
གསའ་ནི་མཐོ་སྒང་དུ་མི་ཊར་ ༢༧༠༠ ནས་ ༦༠༠༠ བར་འཚོ་གནས་བྱེད་ཀྱི་ཡོད། འཚོ་གནས་ཀྱི་ཁྱབ་ཡུལ་མདོ་དབུས་ཁམས་གསུམ་གྱི་ས་ཆར་རི་མཐོ་རྫ་རི་དང༌། བྲག་རི། གངས་རི་སོགས་སུ་གནས་ཀྱི་ཡོད་པ་དང༌། སོག་པོ། རྒྱ་ནག ཨུ་རུ་སུ། རྒྱ་གར། པ་ཀི་སི་ཐན། ཤིན་ཅང་གི་ས་ཁུལ་ཁ་ཤས་ལ་ཡང་ཡོད་སྐད་གྲགས།
སྲོག་ཆགས་གཟིག་ནི་ཕལ་ཆེ་བ་ཨེ་ཤི་ཡ་དང་ལྷོ་ཨ་ཧཕི་རི་ཁའི་གླིང་ཆེན་གཉིས་ནང་འཚོ་གནས་བྱེད་ཀྱི་ཡོད། ཨ་ཧྥི་རི་ཁ་ཡུལ་གྱི་གཟིག་དེའི་མིང་ཅི་ཏི་ཟེར་ཞིང་དེ་སྤུ་མདོག་ཡང་ཨེ་ཤི་ཡའི་ནང་ཡོད་པའི་གཟིག་ལས་སྐྱ་ཤས་ཆེ་ཙམ་དང༌། རྐང་པ་དང་གཟུགས་པོ་ཅུང་རིང་ཤས་ཆེ་ཙམ་ཡོད།
སེམས་ཅན་སྟག་ནི་བསྐལ་པ་ཡར་ཐོག་སྐབས་སུ་གླིང་ཆེན་ཨེ་ཤི་ཡ་བྱང་རྒྱུད་ནས་རིགས་བརྒྱུད་མཆེད་དེ། རིམ་བཞིན་ལོ་ངོ་ཁྲི་གཅིག་སྔོན་དུ་ཧི་མ་ལ་ཡའི་རི་རྒྱུད་དུ་དར་ཁྱབ་ཕྱིན། སྟག་ནི་འོ་འཐུང་དང་ཤ་གཟན་སྲོག་ཆགས་དེ་བཞིན་སྡེར་མོ་ཅན་གྱི་ཁོངས་སུ་གཏོགས།